Që me daljen e tij të parë në ekran, në emisionin “Përptuhen” ajo ç’ka rrëmbeu vëmendjen të Atdheu ishte pikërisht look-u i tij me flokët e gjata. Por ditën e djeshme, një foto e tij ku kishte prerë flokët qarkulloi me shpejtësi në rrjet.
Nëpërmjet disa postimeve të tij në “Instagram”, ai ka njoftuar se mamaja e tij vuante nga kanceri për një kohë të gjatë dhe kjo gjë ka bërë që ai të doje të solidarizohet.
Ai tha se ka vendosur të dhurojë flokët e tij për paruke, për të gjithë ata që vuajnë nga kanceri.
“Më keni pyet shumë arsyen pse kam vendos me i heq flokët, e vetmja arsye është që kisha kohë që doja me i heq kur m’u smur nëna ime gjëja më eshenjtë në jetën time me sëmundjen e kancerit por nuk më la me i heq atëherë.
Dmth që doja të solidarizohesha me nënën time por falë Zotit është mirë me shëndet. Tash një ditë isha me repartin e onkologjisë bashkë me nënën dhe pashë gjithë ato gra ato nëna që vuajnë nga kjo sëmundje u ndjeva shumë keq dhe vendosa t’i heq flokët e mija dhe i dhurova për këto nënat tona që të bëhet paruke për ndonjërën nga ato.
Të njejtën gjë vendosi ta bëjë dhe vëllai im sot, unë i kam dhuru në Shqipëri, vëllai do i dhurojë këtu në Kosovë. Zoti i ruajt të gjitha nënat tona kush vuan nga kjo sëmundje, dasht Zoti e kalojnë shpejt.”
