Angelina Jolie, së fundmi është parë në disa evente me të dashurin e saj të përfolur, 40 vjeç. Ajo mesa duket e ka konfirmuar se ka gjetur një dashuri të re. Duket se ajo është gati t’i japë dashurisë një tjetër shans me reperin Akala, i cili është më i ri se ajo. Aktorja mesa duket e ka konfirmuar lidhjen e saj me të përmes një postimi në rrjetet sociale.
Sipas Daily Mail, Akala u pa duke marrë pjesë në një festë që aktorja organizoi për kompaninë e saj Atelier Jolie gjatë fundjavës në New York City.
Faqja zyrtare në Instagram e kompanisë së Jolie ka postuar një galeri fotografish dhe në një prej imazheve shfaqet reperi 40-vjeçar.
Rikujtojmë se thashethemet për lidhjen e tyre u ndezën fillimisht kur këngëtari iu bashkua Jolie dhe vajzave të saj në Festivalin Letrar Calabash në Xhamajka, në maj 2023.
Një dëshmitar okular thuhet se pohoi se në atë kohë Akala ishte “shumë mbrojtës ndaj tyre”. E njëjta media raportoi se aktorja ndezi përsëri spekulimet për lidhje me Akala-n kur u panë duke dalë nga një hotel në Itali gjatë Festivalit Ndërkombëtar të Filmit në Venecia në gusht 2024.
Përveç kësaj, In Touch raportoi gjithashtu se çifti i përfolur ishte takuar privatisht me njëri-tjetrin prej më shumë se një viti.
