Ariu vërehet në parkingun e shkollës “Faik Konica” në Debresh, bëhet thirrje për kujdes

Prania e një ariu është konstatuar në parkingun e shkollës “Faik Konica”, në fshatin Debresh.

Lëvizjet e tij janë regjistruar nga kamerat e sigurisë të vendosura në ambientet e shkollës.

Shoqata e fshatit Debresh u ka bërë thirrje banorëve për kujdes të shtuar, veçanërisht prindërve dhe fëmijëve që nisen në mëngjes drejt shkollës.

Po ashtu, qytetarëve u kërkohet të tregojnë kujdes gjatë lëvizjes në zonën ku janë parë arinjtë./Telegrafi/