Vitet e fundit, gjithnjë e më shumë njerëz po po mposhtin kancerin për shkak se shkenca avancon dhe sëmundja është bërë më e trajtueshme. Por kanceri i pankreasit mbetet një ndër llojet më të ashpra të sëmundjes që shkakton vdekshmëri të lartë.
Ky është një kancer i rrallë që prek 13 nga 100.000 njerëz, por për fat të keq ka një nga normat më të larta të sëmundshmërisë nga të gjithë kanceret për faktin se kur diagnostikohet zakonisht është i avancuar ose metastatik.Megjithatë ka disa simptoma që të sëmurët me kancerin e pankreasit i raportuan në fazat e hershme të sëmundjes.
Ja cilat janë ato:
Lodhje e fortë që nuk ndalet
Probleme me të ushqyerit
Ndryshimet në peshë
Ndryshimet në zakonet e zorrëve ose fshikëzës
Gjakderdhje ose mavijosje e pazakontë
Të përziera ose të vjella
Ndryshimet në lëkurë
Kollë e vazhdueshme ose dhimbje gjoksi
Kanceri i pankreasit ndodh kur qelizat normale të pankreasit shndërrohen në qeliza jonormale dhe rriten jashtë kontrollit. Pankreasi prodhon hormone dhe lëngje që ndihmojnë trupin të tresë ushqimin dhe të dhënat tregojnë se ai është shkaku i katërt kryesor i vdekjeve në SHBA.
Pankreasi lëshon enzima që ndihmojnë tretjen dhe prodhon hormone që ndihmojnë në kontrollin e sheqerit në gjak. Mund të shfaqen disa lloje rritjesh në pankreas, duke përfshirë tumoret kanceroze dhe jo kanceroze. Lloji më i zakonshëm i kancerit që formohet në pankreas fillon në qelizat që ndërtojnë kanalet që bartin enzimat tretëse nga pankreasi (adenokarcinoma duktale e pankreasit).
Faktorët e rrezikut përfshijnë abuzimin me duhanin dhe alkoolin te pacientët që vuajnë nga pankreatiti kronik ose inflamacioni i pankreasit i shkaktuar nga përdorimi i alkoolit ose gurët në tëmth.
Një studim i madh zbuloi se kombinimi i pirjes së duhanit, diabetit afatgjatë dhe një diete të varfër, rrisin rrezikun e kancerit të pankreasit mbi rrezikun e secilit prej këtyre faktorëve ndaras.
Kanceri i pankreasit është shumë i vështirë për t’u zbuluar sepse është një organ i vogël i vendosur thellë në bark dhe fshihet pas organeve të tjera. Fatkeqësisht, kur shfaqen simptoma të tilla si shqetësimi i barkut, kanceri zakonisht është i avancuar ose metastatik. Nuk ka udhëzime të qarta për ekzaminim për kancerin e pankreasit në krahasim me kancerin e gjirit, zorrës së trashë dhe prostatës.
