Sipas një hulumtimi, mungesa e gjumit duket se ka një efekt negativ në performancën atletike, funksionin njohës, gjendjen shpirtërore dhe kohën e reagimit ndaj një pengese.
Shumica e tyre mund të shmangen nëse orët e duhura të gjumit bëhen përparësia juaj.
Si ndihmon gjumi në performancën atletike?
Studiuesit besojnë se gjumi i thellë ndihmon në përmirësimin e performancës atletike, sepse në këtë fazë çliron hormonin e rritjes, i cili stimulon rritjen dhe rikuperimin e muskujve, duke “ndërtuar” kocka të forta dhe duke djegur dhjamin.
Studimet tregojnë se privimi i gjumit ngadalëson çlirimin e hormonit të rritjes.
Gjumi është gjithashtu thelbësor për të mësuar një aftësi të re.
Sa orë gjumi kemi nevojë?
Ekspertët e gjumit rekomandojnë 7 -9 orë gjumë në ditë për të rriturit dhe 9 -10 orë për fëmijë dhe adoleshentë.
Ju mund të vlerësoni vetë nevojat tuaja duke bërë një eksperiment për disa javë: Nëse ju zë gjumi brenda 20 minutash nga rënia në shtrat dhe zgjoheni pa një orë me zile, ju ndoshta do të keni fjetur në përputhje me nevojat e trupit tuaj.
Nëse bini në gjumë menjëherë, por keni nevojë për ndihmën e një ore me zile për t’u ngritur mëngjesin tjetër, ka shumë të ngjarë që të keni nevojë për disa orë shtesë gjumë./albeu.com
