“Jemi me ju dhe me popullin ukrainas”, ishte ky mesazhi i dërguar nga Presidenti i Këshillit Evropian, Charles Michel, duke falënderuar presidentin ukrainas, Volodymyr Zelensky, për deklaratën e tij në Samitin e Pragës.
Ai iu referua veçanërisht bastisjeve ruse në ndërtesat e banimit në Zaporizhia jugore.
“Pas sulmit të parë raketor, Rusia nisi një sulm të dytë. Nuk ka mëshirë, ne po flasim për ligësi absolute”, tha Zelensky, ndërsa theksoi përsëri se Ukraina nuk donte kurrë luftë dhe se Evropa është në një pozicion të fortë për të drejtuar forcat e saj për t’i dhënë fund konfliktit.
“Duhet të pranojmë të dukshmen: jemi të detyruar të përballemi me një shtet që nuk dëshiron paqe. Ai i përgjigjet të gjitha propozimeve për paqe me sulme raketore, duke provokuar kriza artificiale dhe ironi”, shtoi presidenti ukrainas.
Sipas hartave të përpiluara nga Sky Neës, pas kundërsulmit të Ukrainës, Rusia ka humbur 4000 kilometra katrorë në vetëm një javë.
Siç vë në dukje rrjeti britanik, kundërsulmi i Ukrainës filloi më 6 shtator dhe shpejtësia e tij duket se e ka zënë në befasi Moskën. Rusët po tërhiqen nga pozicionet e vijës së parë veçanërisht në provincën lindore të Kharkiv.
Sipas Agentstvo ruse, Ukraina ka çliruar një sipërfaqe prej 4,000 kilometrash katrorë vetëm gjatë javës së fundit, duke vënë në dukje se këto janë përfitimet më të rëndësishme ushtarake për Ukrainën që kur ajo zmbrapsi përpjekjen ruse për të pushtuar Kievin në fillim të marsit./albeu.com
