Ambasadorja e SHBA-ve në Tiranë, Yuri Kim, ka vizituar sot Vlora Hysenin, Drejtoreshën e Shërbimit Informativ Shtetëror, për ta uruar për emërimin e ri dhe për t’i uruar suksese në këtë rol të rëndësishëm.
1/2 @USAmbAlbania Yuri Kim today visited Vlora Hyseni, Director of the State Intelligence Service, to congratulate her on her new appointment and wish her success in this important role. pic.twitter.com/zkoCNZQMpd
— USEmbassyTirana (@USEmbassyTirana) June 8, 2023
Vlora Hyseni u emërua drejtuese e Shërbimit Informativ në fillim të muajit prill. Presidenti i Republikës Bajram Begaj, ka dekretuar emërimin e Vlora Hyseni si drejtuese të Shërbimit Informativ të Shtetit.
Propozimi i Vlora Hysenit për tëmarrë detyrën si drejtuesja e SHISH erdhi nga kryeministri Edi Rama. Vlora Hyseni ka qenë e angazhuar në udhëheqjen e Agjencisë Kosovare të Inteligjencës. Ajo është shkarkuar qershorin e vitit 2021 si zv. drejtuese e AKI nga Albin Kurti dhe presidentja Vjosa Osmani prej të gjitha funksioneve të AKI-së. Vlora Hyseni e ka udhëhequr AKI-në për katër muaj, dhjetor 2020-prill 2021. Hyseni ka punuar disa vite në Agjencinë Kombëtare të Inteligjencës së Kosovës, ku ka qenë Drejtore e Marrëdhënieve me Jashtë e më pas Zëvendësdrejtore e këtij institucioni nga viti 2019, për t’u shkarkuar më pas në mesin e vitit 2021 nga presidentja Osmani.
ë shtator të vitit 2021, Vlora Hyseni u zgjodh të punonte si këshilltare e kryeministrit Edi Rama.
Shërbimi Informativ shqiptar ka qenë thuajse një vit pa drejtues, pasi ish-kreu Helidon Bendo, u largua për një trajnim të gjatë në Shtetet e Bashkuara duke dhënë dorëheqjen dhjetorin e kaluar.
Njoftimi i ambasadës amerikane
Yuri Kim ka vizituar sot Vlora Hysenin, Drejtoreshën e Shërbimit Informativ Shtetëror, për ta uruar për emërimin e ri dhe për t’i uruar suksese në këtë rol të rëndësishëm. Të dy ranë dakord për rëndësinë e bashkëpunimit të fortë SHBA-Shqipëri në sigurinë kombëtare dhe inteligjencën. Ambasadorja Kim shprehu gjithashtu mbështetjen për përpjekjet e reja për të siguruar që Shqipëria të jetë në gjendje të përballojë me efektivitet sfidat./albeu.com/
