Policia ka vënë në pranga shtetasin Alton Ismajisufi pasi qëlloi për vdekje shtetasin Isat Gocaj, pas një konflikti për pronën.
Shtetasi që shikoni në foton e bashkëngjitur lajmit është autori i vrasjes në Tropojë. Burimet bëjnë me dije se autori dhe viktima janë banorë në të njejtin fshat, Çerem.
Ismajisufaj, punonjës i zjarrëfikëses, u vu në pranga nga Policia e Shtetit vetëm pak orë pas krimit të rëndë, menjëherë pas të cilit u arratis nga vendngjarja.
Policia bën me dije se gjatë kontrollit në banesë, Ismailsufit iu gjet dhe arma tip pistoletë me të cilën ai kreu krimin.
Autori i dyshuar po shoqërohet në Komisariatin e Policisë Tropojë, për veprime të mëtejshme.
NJOFTIMI I POLICISË:
Vret me armë zjarri 49- vjeçarin, Policia identifikon dhe shpall në kërkim autorin e dyshuar. Sot, rreth orës 15:30, në fshatin Çerem, në rrethana ende të paqarta është vrarë me armë zjarri shtetasi Isat Goçaj, 49 vjeç, banues në Çerem.
Menjëherë në vendngjarje janë nisur shërbimet e Policisë, të cilat falë veprimeve të shpejta bënë të mundur identifikimin dhe shpalljen në kërkim të autorit të dyshuar, shtetasit A. I., banues në Çerem.
Vijon krehja e zonës me qëllim kapjen e autorit të dyshuar. Grupi hetimor, nën drejtimin e Prokurorisë së Rrethit Gjyqësor Tropojë, vijon punën për zbardhjen dhe dokumentimin e plotë të rrethanave të ngjarjes./albeu.com/