Vrasja e Sabrina Bengaj, vajzës së re, 23-vjeçare e cila u vra nga ish-bashkëshorti ishte një ngjarje e paralajmëruar.
Gazetarja Anila Hoxha ka deklaruar se autoritetet shqiptare kanë qenë në dijeni të një telefonate që Elton Metaj, i cili ndodhet pas hekurave për vrasjen e Sabrina Bengajt, e kishte kërcënuar këtë të fundit.
E ftuar në “Open”, Hoxha tha se Metaj, dy javë para se të dilte nga burgu ka telefonuar Bengajn dhe i ka thënë së do të dilte nga aty dhe do ta vriste.
“Kjo ishte një vrasje e paralajmëruar. Elton Metaj, dy javë para se të dilte nga burgu i Zaharisë e ka telefonuar Sabrina Bengajn dhe i ka thënë ‘Unë do të dal nga burgu dhe do të të vras’.
Pas kësaj telefonate dhe një diskutimi me familjen e saj, Bengaj është drejtuar për në komisariatin e policisë dhe ka bërë kallëzimin. Autoritetet kanë qenë në dijeni të kësaj telefonate,”- tha Hoxha. /albeu.com/
