Marco Raduano 40 vjeç është arratisur nga burgu pasditen e djeshme duke kapercyer një mur rrethues me çarçafë të lidhur si litarë.
Arratisja e tij duket e mirë organizuar pasi mendohet se është ndihmuar nga bashkëpunëtorë brenda e jashtë burgut.
Marco Raduano është dënuar me 19 vite burg për trafik droge e kontrollin e marijuanës e lëndëve narkotike që mbërrinin nga Shqipëria në Puglia, fakt që kishte shkaktuar një luftë të përgjakshme atentatesh mes klaneve mafioze puglieze.
Bosi mafioz ka nën kontroll territorin e Veste ku janë kryer dhjetra vrasje mafioze.
Ai është i njohur për aferat e drogës me grupet kriminale shqiptare.
Kontrolli i drogës që vinte nga Shqipëria u bë motivi i luftës mes klaneve mafioze të Garganos.
Nga kjo luftë u ekzekutua bosi Gianbattista Notarangelo, dhe u vunë në rivalitet klanet Raduano e Perna./Albeu.com/
