Deri përpara pushtimit rus, Bucha ishte një zonë periferike e qetë e kryeqytetit ukrainas. Por tashmë, ndërsa ushtria ruse largohet nga periferitë e Kievit dhe fokusohet në Ukrainën lindore ka lënë pas vetëm shkatërrim
Pamjet që vijnë nga Bucha që u çlirua disa ditë me parë janë të renda. “Horror” mund të jetë fjala e vetme për t’i përshkruar skenat nga rrugët e mbushura me trupa të pajetë.
Trupat e pajetë në mes të rrugëve dhe nëpër oborret e shtëpive të filmuara nga kamera dëshmojnë mizoritë që ushtria ruse po bën ndaj civilëve nëpër qytete e periferi.
This is #Bucha. The outskirt of #Kyiv. Russians were killing people with their hands tied behind their backs and left the bodies near the road. I am shaking. #StopPutinNOW pic.twitter.com/ffzUV8d5xo
— Kira Rudik (@kiraincongress) April 2, 2022
“Disa me sytë hapur në drejtim të qiellit gri, disa të tjerë me fytyrën në asfalt. Të gjithë me rroba civile. 20 trupa meshkujsh janë gjetur nëpër rrugët e Bucha-s,” ky është përshkrimi që i bën korrespodenti i Reuters skenës tragjike nga qyteti ukrainas.
Ndërkohë, sanksione të tjera janë gati kundër Rusisë nga Bashkimi Evropian. Lajmin e bëri të ditur presidenti i Këshillit Evropian Charles Michel.
