Një mesazh në një shishe bashkoi dy adoleshentë, duke udhëtuar në Oqeanin Atlantik mijëra kilometra për tre vite.
16-vjeçari Sean Smith, 16 vjeç, kishte shkruar në letër një shënim, të cilin e futi në një shishe dhe e hodhi në det, ndërsa ishte me pushime në Rhode Island në vitin 2018, në lindje të SHBA.
Në letër shkruhej:
“Është Dita e Falënderimeve. Unë jam 13 vjeç dhe jam nga Vermont. Nëse shishja gjendet, dërgoni një email në [email protected]”.
Tre vite më vonë, mesazhi u gjet 4,820 km larg nga vendi ku Sean kishte nisur shishen.
Shishja u gjeta nga një djalë 17 vjeçar, Christian Santos.
Ai tha për mediet e huaja se e pa shishen, ndërsa po peshkonte me kushëririn e tij.
“E mora dhe pashë se brenda kishte një letër. Mendova se do të ishte diçka interesante, prandaj dhe shkova t’ia tregoj mamit”, tha 17 vjeçari.
Christian dhe nëna e tij vendosën të ndiqnin udhëzimet që ishin shkruar në letrën brenda shishes.
Ata dërguan një email por nuk morën përgjigje, sepse Sean pothuajse e kishte harruar mesazhin, që kishte dërguar para tre vitesh dhe nuk e përdorte më llogarinë e emailit, që kishte shënuar në shishe.
Megjithatë, nëna e Christian shpërndau mesazhin dhe shishen në rrjetet sociale, duke tërhequr vëmendjen e medieve.
Një javë më vonë nga postimi i mesazhit në rrjetet sociale, reagoi Sean.
Sean thotë se u habit dhe se nuk po e besonte, se shishja që kishte nisur që para tre vitesh u gjend mijëra kilometra larg.
“Tashmë kam një mik të veçantë dhe një kujtim të bukur”, thotë Sean.
