Një tjetër grua shqiptare është vrarë në një ngjarje tragjike në Greqi. Në malin Rodop, një burrë goditi për vdekje me thikë bashkëshorten e tij dhe më pas tentoi të vetëvritej.
Të dhënat e para tregojnë se çifti ishte me origjinë nga Shqipëria dhe kishte dy fëmijë. Vajza e tyre e madhe ishte ajo që njoftoi Policinë Kombëtare Greke për ngjarjen.
Të lidhura
None found
Gruaja u transportua në spital, por humbi jetën si pasojë e plagëve të marra. Burri, i cili raportohet se është 58 vjeç, plagosi veten me thikë. Edhe ai u dërgua në spital, ku po merr trajtim nën mbikëqyrje.
Mes çiftit ishin regjistruar incidente edhe në fillim të vitit 2022, në Heraklion të Kretës. Në atë periudhë, gruaja kishte paraqitur padi ndaj bashkëshortit për kërcënim, ndërsa ai ishte arrestuar më pas në kuadër të një ndalimi rrugor për dhunë në familje.
Policia po vijon intensivisht hetimet për të përcaktuar rrethanat e sakta në të cilat ndodhi krimi.
