Bayern Munich ka hedhur poshtë interesimin e Arsenalit për qendërmbrojtësin koreano-jugor Minjae Kim.
Klubi londinez mori një përgjigje negative pa vonesë dhe më pas siguroi shërbimet e Ezri Konsas nga Aston Villa, për një shumë rreth 60 milionë euro.
Të lidhura
None found
Interes për mbrojtësin 29-vjeçar kishin shfaqur edhe disa skuadra të tjera angleze, mes tyre Manchester United, Nottingham Forest dhe Aston Villa, por asnjëra nuk arriti ta bindte Bayernin për një transferim, raportoi faqja sportive Absolut Bayern.
Edhe pse drejtori sportiv Max Eberl e kishte konsideruar mundësinë e shitjes së Kim gjatë verës së vitit 2025, largimi i tij nuk është më pjesë e planeve të klubit.
Vincent Kompany e çmon në masë të madhe mbrojtësin dhe, gjatë turneut të fundit të Bayernit në Azi, e cilësoi atë si “një përbindësh të vërtetë mbrojtës dhe shumë të shpejtë”.
Kim vazhdon të jetë i angazhuar me gjigantët e Bundesligës, ku paraqitet si një alternativë e sigurt në qendër të mbrojtjes, duke nisur herë nga minuta e parë dhe herë duke qëndruar në stol.
