Këngëtarja e njohur ukrainase që përfaqëson vendin e saj në Eurovision Song Contest, Alinda Pash, është pezulluar nga konkurrimi.
Lajmin e ka bërë të ditur gjigandi mediatik BBC.
Transmetuesi kombëtar i Ukrainës UA:PBC ndërmori veprimet pasi u zbulua se autoritetet po hetojnë një udhëtim që ajo bëri në Krime në vitin 2015, një zonë që Rusia mori nën kontroll në 2014.
Ekzistojnë rregulla strikte të udhëtimit në fuqi për mënyrën se si njerëzit hyjnë në Krime. Nuk është e paligjshme për ukrainasit që të vizitojnë, por kjo nuk pritet mirë dhe sjell zemërim. Alina u ka ofruar autoriteteve prova se si ajo hyri në rajon, por kjo tani është duke u shqyrtuar.
Ndërsa hetimet vazhdojnë, Alina thotë se disa njerëz pretendojnë se ajo nuk është ukrainase. “Unë jam një vajzë ukrainase. Unë flas në ukrainisht dhe kënga ime ka të bëjë me Ukrainën,” shpjegon ajo.
Sakaq, mosmarrëveshja për vizitën e saj në Krime vjen ndërsa bota po mban frymën pezull nëse Rusia do të pushtojë Ukrainën./albeu.com/
