Tre fëmijë janë vrarë nga të shtënat në Nashville, Tenesi, sipas autoriteteve lokale.
Në Twitter, departamenti i zjarrfikësve të qytetit tha se kishte “të plagosur të shumtë” pas një incidenti në një shkollë lokale, shkruan BBC.
Policia e Nashville tha se kishte lokalizuar sulmuesin dhe autori tani është i vdekur.
Mediat lokale dhe ABC raportojnë se tre fëmijë u dërguan në spital me plagë me armë zjarri dhe u shpallën të vdekur, duke cituar burime në Qendrën Mjekësore të Universitetit Vanderbilt.
Byroja e Alkoolit, Duhanit, Armëve të Zjarrit dhe Eksplozivëve (ATF) ka thënë se po merr pjesë në hetim.
Shkolla e Besëlidhjes në Nashville, ku ndodhi incidenti, është një shkollë private e krishterë.
Sipas faqes së saj të internetit, shkolla ka rreth 200 nxënës.
Në një deklaratë, Komiteti Demokratik i Dhomës së Tenesit tha se anëtarët e tij “po luten për fëmijët e plagosur dhe familjet e viktimave.”
“Mendimet tona janë me familjet e të gjithë komunitetit të shkollës dhe lagjes përreth,” tha kryetari John Ray Clemmons.
Sipas të dhënave të përpiluara nga Education Week, ka pasur 12 të shtëna me armë zjarri në shkolla përgjatë vitit 2023 deri më 23 mars që kanë rezultuar me vdekje ose plagosje në SHBA./Albeu.com/
