Nuk dihet arsyeja se pse Braho ka shkuar në Prokurorinë e Posaçme. Ndërkohë, pas disa minutash ai doli nga SPAK.

Pas daljes nga SPAK, Braho tha se kishte shkuar në prokurori për punë profesionale. “Punë profesionale. Duhet zhvilluar më tej ligji për veprimtarinë e SPAK”, tha ai.

The post Spartak Braho paraqitet në SPAK appeared first on Albeu.com.

Braho para protestës së 8 janarit paralajmëroi vrasjen e deputetit Enkelejd Alibeaj.

Braho u shpreh se banditët e Berishës duhet të ishin ndjekur penalisht për çdo shfaqje dhune e shkatërrim prone. Sipas tij, Komisioni i Rithemelimit nuk ekziston dhe nuk njihet ligjërisht.

“Nuk ekziston ligjërisht një subjekt i tillë. Pse janë mërzitur ata, që nuk u vra Alibeaj? Nuk legjitimohet ky komision të bëjë padi se nuk ka subjekt dhe objekt konkret të prekur për këtë lloj akuze shpifje!!!??? Kush është prekur konkretisht nga shpifja, Muli? Banditët e Saliut duhen të përgjigjen penalisht për dhunë, për kërcënim, për shkatërrim prone, akuza që po heton prokuroria. Shiko çfarë thotë veç të tjerëve Agron Gjekmarkaj për synimin dhe planet që donte të realizonte Berisha, Muli, etj. banditë: “Kishte plane gjakderdhje dhe arkivole që do të dilnin nga selia e PD”. Unë dhe shërbimet sekrete kemi thënë dhe paralajmëruar vetëm të vërtetën që u shmang dhe evitua. Për këtë janë mërzitur Komisioni i Rithemelimit? Budallenj dhe injorantë edhe nga ana ligjore. Vetë ata që ishin brenda në zyra si psh. Luli dhe deputetë të tjerë të PD si dhe ambasada amerikane i dënuan këto akte me synime goditjen, vrasjet e dhunën që realizuan”, tha Braho.

Braho: Berisha ishte gati për dhunë dhe gjak

Nga ana tjetër lidhur me deklaratat për ekzekutimin e deputetit Enkelejd Alibeaj, Braho edhe më herët është shprehur se deputeti bëri mirë që nuk ishte i pranishëm atë ditë në seli. Ish-deputeti socialist tha se Alibeaj nuk mund ta quajë atë deklaratë shantazh, pasi të gjithë e dinin qartë se ata që erdhën në protestë kishin ardhur për gjak dhe dhunë. Sipas tij, Berisha ka njerëz të infiltruar që punojnë në dy karrige. “Informacioni është informacion. Kam burimet e mia dhe jo në të tëra rastet bëhen publik me hollësira, por unë do të them diçka. Alibeaj ka bërë mirë që nuk shkoi atje. Mos të ngrihet si gjel deti tani nga Mallakastra dhe të thotë që ishte shantazh. Se konsideratat e tjera, në daç të PD, në daç të tërë deputetëve të PD-së që ishin të ngujuar atje, e panë qartë aty që kishin ardhur për dhunë, terror dhe gjak. Ajo që thashë unë ishte plotësisht e saktë dhe u realizua. A do t’i hapim letrat? Sali Berisha ka njerëz në grupin parlamentar të Lulzim Bashës, të infiltruar. Punojnë me dy karrige. Në heshtje janë të Bashës dhe në heshtje punojnë për Berishën dhe atë ditë është programuar që me çdo kusht duhet të hakmerremi, të krijojmë një alibi dhe ta realizojmë”, tha ai. /albeu.com/

The post U padit nga Berisha, Braho: është mërzitur sepse ju dekonspirova planin për të vrarë Alibeajn appeared first on Albeu.com.

Ky i fundit para protestës së Berishës të thirrur në 8 janar, u shpreh se grupi “Berisha” do të vriste një deputet me iniciale E.A, pra bëhej fjalë për Enkelejd Alibeajn.

Deklarata bëri bujë dhe u komentua në disa media televizive, por fatmirësisht rezultoi të mos ishte e vërtetë.

Kjo ka sjellë që Komisioni i Rithemelimit ta akuzojë për shpifje Spartak Brahon./albeu.com/

The post “Do vritet një deputet”, grupi “Berisha” merr vendim për Spartak Brahon (FOTO LAJM) appeared first on Albeu.com.

Në fakt bëhej fjalë për Enkelejd Alibeaj teksa sipas Brahos jeta e deputetish ishte në rrezik pasi  synonohej vrasja e tij.

Në ditën e protestës më 8 janar, Enkelejd Alibeaj u mbrojt menjëherë nga Garda.

Por pas protestës, Braho këmbëngul se informacioni për vrasjen e deputetit të PD-së ishte i vërtetë për emisionin “Natën e mirë dhe paç fat”.

“Informacioni është informacion. Ka burimet e tija dhe jo në të tëra rastet bëhen publik me hollësira, por unë do të them diçka. Alibeu ka bërë mirë që nuk shkoi atje. Mos të ngrihet si gjel deti tani nga Mallakastra dhe të thotë që ishte shantazh. Se konsideratat e tjera, në daç të PD, ndaç të të tërë deputetëve të PD-së që ishin të ngujuar atje, e panë qartë aty që kishin ardhur për dhunë, terror dhe gjak. Ajo që thashë unë ishte plotësisht e saktë dhe u realizua. A do t’i hapim letrat? Sali Berisha ka njerëz në grupin parlamentar të Lulzim Bashës, të infiltruar. Punojnë me dy karrige. Në heshtje janë të Bashës dhe në heshtje punojnë për Berishën dhe atë ditë është programuar që me çdo kusht duhet të hakmerremi, të krijojmë një alibi dhe ta realizojmë. E gjithë historia politike e Berishës që nga 1991 deri më sot është ajo e vrasjeve pas krahëve. Ai ka patur ndikimin e tij, siç thotë populli “qyqja nuk i çel zogjtë në folenë e saj, por diku tjetër”, edhe ai këtë punë ka bërë. Basha e di shumë mirë që do të kishte të vrarë. Kjo e detyroi ta shihte me seriozitet dhe blindoi dyert. Bëri mirë. Sali Berisha derën e shtëpisë e ka të blinduar. Të tërë ata që bërtasin “pse u blindua?”, dyert e shtëpisë i kanë të blinduara. Kjo është arsyeja që Basha thirri kosovarë dhe gjakovarë për të mbrojtur jetën e tij. Nëse nuk arrestohet Sali Berisha, do ketë viktima. Sali Berisha është sekt vrasës. Ka krijuar sekt vrasës me njerëz të afërt, tropojanë dhe nga zona të veriut që janë kamikazë” u shpreh ai.

Por a u përdor Spartak Braho nga Edi Rama për “t’i hedhur benzinë zjarrit” që po digjet mes demokratëve përmes një spekulimi si ky i vrasjes? Apo deklarata e tij, qe një sinjal për ta paralajmëruar Bashën publikisht, për rrezikun serioz që i kanosej në 8 Janar njerëzve të tij?

Të dyja variantet duhen marrë në konsideratë, duke marrë parasysh se në të njëtin emision në Vizion Plus, Spartak Braho pranoi se ishte takuar me Ramën disa ditë më parë. Mes të tjerave, Braho i kishte kërkuar kryeministrit të distancohej nga Vangjush Dako.

“Unë kam 30 vjet në politikë. I njoh mirë të tërë, me të mira e me të këqia. Di shumë gjëra. Nuk përpiqem të bëj shantazh me këto që di unë. Unë dua që secili të korrigjohet dhe ia them edhe veç e veç, edhe troç. Biles para disa ditësh ia thashë edhe kryeministrit në një takim të rastësishëm. I thashë: Ndahu nga Vangjush Dako! Sindromi Dako është baras sindromi i hajdutit shtetëror, privat. Sindromi i një njeriu që pasi shfrytëzoi të tëra strukturat politike dhe i gllabëroi, i korruptoi, i bleu dhe në llogari të interesave të tija okulte dhe pasurore. Le që s’ka më Parti Socialiste në Durrës të themi të vërtetën, por po na merr në qafë edhe disa shtetarët tanë që vijnë dhe hanë dreka darka në Durrës me të” tha Braho.

Para protestës, Enkelejd Alibeaj tha se nuk i kishte marrë seriozisht paralajmërimet e Spartak Brahos, megjithëse pranoi se mbështetësit e Berishës erdhën për të vrarë në seli.

“Që të ngresh një tezë bazuar tek deklarata e Brahos nuk besoj që e meriton. Nuk ka burrë nënë që mund ta tut, apo ta shantazhojë apo të bëjë negociata me disa parime të vetat. Jo të më shantazhojë mua Edi Rama apo dikush tjetër nuk ka për të ndodhur kurrë dhe për këtë i kam dhënë provat. Me këtë çështje nuk merrem fare. Nuk i kushtova rëndësi deklaratës së bërë Brahos, pati disa shqetësime nga ana e familjes. Nuk ka shoqërues nga Garda. Ditën e shtunë një këshilltar i imi tha të bëjmë një kërkesë, por nuk e kisha problem dhe në mënyrë miqësore erdhi një”, tha Alibeaj.

The post Atentati ndaj Alibeaj më 8 janar, Braho tregon të vërtetën: Di shumë gjëra appeared first on Albeu.com.

Ish-deputeti i PS, Spartak Braho pasi tha se në protestën e 8 janarit do të vritej Enkelejd Alibeaj, ka bërë sërish një deklaratë të fortë.

Ai tha për “Report TV” se në listë për t’u vrarë ishin dhe sekretari i Përgjithshëm, Gazment Bardhi, deputeti Ervin Salianji dhe dy persona të tjerë në këtë parti.

“Fakti që Alibeaj nuk shkoi ditën e ngjarjes atje tregoi që u tremb dhe kishte vend për tu trembur. Nga burime brenda PD-së, nuk ishte vetëm Alibeaj në listë, ishin edhe 4 të tjerë në listë për tu linçuar. Thashë do ketë një vrasje në formën e goditjes prapa shpine siç ka vepruar që 30 vite Sali Berisha, nuk është gjë e re, është filozofi e Berishës, ballë për ballë asnjëherë. Nuk është aq trim si duket. Ka qenë Bardhi, Salianji, edhe nja dy të tjerë. Rëndësi ka që shyqyr nuk ndodhi kjo është falë edhe masave që morën strukturat përgjegjëse ligjzbatuese. U shmangen një pjesë e tyre. Alibeaj u shoqërua me gardistë”, tha Braho./albeu.com

The post Jo vetëm Alibeaj, Braho sërish me deklarata të forta: Bardhi, Salianji dhe dy të tjerë në listë për t’u vrarë më 8 janar appeared first on Albeu.com.

Sipas tij e gjitha është një skenar i Edi Ramës për të fituar shumicën në Gjykatën Kushtetuese.

Berisha iu referua këtu deklaratës së Brahos se gjatë protestës do të vritej deputeti Enkelejd Alibeajt, bashkëjetuesja e të cilit, Marsida Xhaferllari është anëtare e Gjykatës Kushtetuese dhe sipas Berishës, Ramës i duhet vota e saj për të shkarkuar presidenti Meta.

“Një njeri që njofton se do të vritet një deputet, ai njeri duhet të thirret që të nesërmen në Prokurori. Duhet të tregoi ose është bashkëpunëtor në krim. duhet të ndiqet penalisht nëse nuk jep prova dhe fakte”, tha Berisha.

Menjëherë pas kësaj deklarate, Berisha tha se Rama i dërgoi truproja dhe këtë gjë ai e konsideroi si “shantazh të neveritshëm”.

“U duhet vota e saj (znj. Xhaferllari). Kjo është pastër një shantazh i turpshëm”, deklaroi Berisha.

Ish-kryeministri e cilësoi Brahon si xhelat të diktaturës që ka përndjekur ish-të përndjekur politikë./euronews

The post Braho tha se Alibeaj do të vritej në protestë, Berisha: Duhet të thirret në Prokurori appeared first on Albeu.com.

Ka qënë Spartak Braho ai i cili ka dashur të dijë arsyen se përse Meta nuk ishte i pranishëm në mbledhjen e ditës së sotme. Ai është shprehur se nëse presidenti nuk njeh legjitimitetin e Kuvendit, atëherë po bën ‘puç’.

PJESË NGA BISEDA:

Spartak Braho: Jam dakort me procedurën që propozoni por ne s’kemi materialin e presidentit përpara.

Alket Hyseni: Do fotokopjohet tani.

Spartak Braho: Para se të vendosim dua të di shkakun e vërtetë pse s’vjen. Më zuri veshi se thatë që nuk njeh legjitimitetin e Kuvendit.

Ta lexojmë, nëse nuk njeh legjitimitetin e Kuvendit, ky është puç, nuk njeh më republikën parlamentare, kështu është? Na e lexoni edhe një herë të lutem si është.

Alket Hyseni: S’kemi ndërmend të lexojmë gjithe shkresën e Presidentit se është voluminoze, do e keni në dosje, unë perifrazova me fjalët e mia arsyet që ka dhënë, politike e proceduriale, thelbi është që presidenti sot nuk është. Arsyet për të anaizuar pse s’ka ardhur kemi në dorë në vijim.

The post Meta nuk shkon në komisionin për shkarkimin e tij, shpërthen Braho: Ky është puç! appeared first on Albeu.com.

Në një letër drejtur Kuvendit, ai tha se kërkesa sipas tij nuk referon asnjë dispozitë kushtetuese.

Kreu i Komisionit, Alket Hyseni, tha se ne si komision, jemi të hapur për ta dëgjuar nga e nesërmja deri ditën e hënë.

“Presidenti konteston legjitimitetin e Kuvendit, ngre pretendime procedurale lidhur me shkresat e Komisionit Hetimor. Ai thotë se në dy rastet ku i është kërkuar thirrja për t’u paraqitur në seancat dëgjimore, ka qenë i angazhuar. Secili nga anëtarët e komisionit, mund të njihet me tekstin e plotë të shkresës dhe argumentet e presidentit. Unë propozoj, që duke mundësuar dëgjesën e presidentit, me qëllim për të dëgjuar edhe palën tjetër që është le të themi pala nën hetim, sipas Kushtetutës, rregullores së Kuvendit, por edhe detyrim i këtij komisioni për të dëgjuar Presidentin, por edhe qëndrim dhe e drejtë nga ana e tij. Propozoj t’i nisim një shkresë Presidentit, që ne si komision, jemi të hapur për ta dëgjuar nga e nesërmja deri ditën e hënë. Për ta dëgjuar, e të shmangur alibitë. Nga data 19 maj deri të hënën. Ne e kemi të pamundur që përtej ditës së hënë, 24 maj, për të zhvilluar veprimtarinë hetimore. Ne duhet të mbyllim hetimet dhe të kemi mundësi për të bërë një krehje të plotë për faktet, e për të krijuar bindjen e plotë e më tej për të mundësuar përgatitjen e raportit, koha do të ishte e papranueshme, afati aktual do të jetë ditën e hënë”, tha Alket Hyseni.

Edhe anëtari i Komisionit, Spartak Braho ka komentuar refuzimin e ftesës nga ana e Metës.

“Nëse Presidenti nuk njeh legjitimitetin e Kuvendit, është puç, nuk është Republikë Parlamentare”, tha ai./albeu.com

The post Meta nuk u paraqit në seancë, Hyseni: Jemi gati ta dëgjojmë presidentin deri të hënën appeared first on Albeu.com.

Braho tregoi bisedën me Metën, që sipas tij i kishte thënë se nuk bënte më për deputet se do të bënte koalicion me Sali Berishën.

“Na është çmendur presidenti. Unë kam qenë afër tij. Në 2017 më tha Spartak ti nuk bën më për deputet se unë do bëj koalicion me Berishën. Turp të kesh i thashë. Qëndrova pranë tij me vite të tëra që ta mbaj afër. Këto fjalë që ka filluar të përçapet duke menduar se i ka ardhur koha që të rrëzojë rëndë interesat kombëtare. Ngjarje e rëndë ishte ajo e Rinasit, një preket për grusht shteti. Donte të ishte në krye. Por dështoi. Nuk e keni idenë çfarë rreziku kemi kaluar. Filozofia e Ilir Metës është puçizmi. Do dalë dhe do marrë pushkën Ilir Meta. Është e vërtetë që ka pasur skraparllinj në luftën e Vlorës. Ilir Meta mund të krijojë vetëm çetë vagabondësh. Më vjen keq që flas me këto fjalë. Nuk ka gjë të ngjashme me skraparllinjtë e vërtetë. Nuk do i lë asnjë zgjedhës Monika Kryemadhit që të votojnë për LSI. Do ta tresim fare”, -tha Braho.

Kaq mjaftoi që të reagonte dhe zëdhënësi i presidentit Ilir Meta, Tedi Blushi i cili e ka quajtur Brahon, sorrë.

REAGIMI I BLUSHIT
O Tak Çiçi, nuk të vjen turp, që sulmon Ilir Metën për llogari të Edi Ramës dhe të gjithë antishqiptarëve, nga Skrapari i patriotëve dhe i atdhetarëve?
Ti as sorrë nuk e meriton të quhesh, se edhe sorra e ka një fije karakteri!

The post Braho si Rama sulmon me fjalë të rënda Metën: Je i çmendur! appeared first on Albeu.com.

Sipas statusit të Berishës, qytetari shprehet se 2 persona me kallashnikov e prisnin tek hyrja e pallatit ndërsa shton se Policia blindoi zonën por atentatorët u arratisën.

“Per me teper thuhet se Spartaku me te birin kane shkuar dhe kane takuar per sqarim apo pajtim prinderit e djemve dhe aty djali i Spartakut i ka qelluar me broke uje”, thuhet në denoncim ndërsa shton se që prej asaj dite djali i deputetit ruhet nga forcat e rendit ndërsa thekson se policia e mban të fhshtë ngjarjen.

Postimi i plotë i Berishës:

Atentat ndaj djalit te Spartak Brahos

Policia fsheh ngjarjen!

Lexoni mesazhin e qytetarit dixhital. sb

pershendetje zoti berisha Ne darken e dt 18 gusht ne durres ka deshtuar tentativa per vrasjen e djalit te spartak brahos arbrit. 2 persona me kallash qe e prisnin tek hyrja e pallatit. policia blindoi zonen por atentatoret u arratisen. asnje njoftim ne lajme e as nga policia nuk u dha .Per me teper thuhet se Spartaku me te birin kane shkuar dhe kane takuar per sqarim apo pajtim prinderit e djemve dhe aty djali i Spartakut i ka qelluar me broke uje.Pas kesaj gjithe keto dite Arber Brahon e shoqerojne nje grupe policesh para dhe mbrapa kudo qe shkon. Te lutem publikoje se policia i mbane te fshehta te gjitha keto!

The post Atentat ndaj djalit të Spartak Brahos: 2 persona me kallashnikov e prisnin tek hyrja e pallatit appeared first on Albeu.com.