Presidenti Meta nuk është paraqitur sërish në Komisionin e ngritur për shkarkimin e tij. Gjatë mbledhjes së Komisionit Hetimor për shkarkimin e presidentit Meta, ka pasur disa pakënaqësi nga anëtarët.
Ka qënë Spartak Braho ai i cili ka dashur të dijë arsyen se përse Meta nuk ishte i pranishëm në mbledhjen e ditës së sotme. Ai është shprehur se nëse presidenti nuk njeh legjitimitetin e Kuvendit, atëherë po bën ‘puç’.
PJESË NGA BISEDA:
Spartak Braho: Jam dakort me procedurën që propozoni por ne s’kemi materialin e presidentit përpara.
Alket Hyseni: Do fotokopjohet tani.
Spartak Braho: Para se të vendosim dua të di shkakun e vërtetë pse s’vjen. Më zuri veshi se thatë që nuk njeh legjitimitetin e Kuvendit.
Ta lexojmë, nëse nuk njeh legjitimitetin e Kuvendit, ky është puç, nuk njeh më republikën parlamentare, kështu është? Na e lexoni edhe një herë të lutem si është.
Alket Hyseni: S’kemi ndërmend të lexojmë gjithe shkresën e Presidentit se është voluminoze, do e keni në dosje, unë perifrazova me fjalët e mia arsyet që ka dhënë, politike e proceduriale, thelbi është që presidenti sot nuk është. Arsyet për të anaizuar pse s’ka ardhur kemi në dorë në vijim.
