4 astronautë amatorë janë larguar nga Florida në misionin e tyre privat në orbitë. Ekuipazhi i Inspiration4, i përbërë nga një miliarder dhe tre “qytetarë të zakonshëm”, doli nga Qendra Hapësinore Kennedy me një kapsulë Dragon të siguruar nga kompania e raketave SpaceX.
Kuarteti do të kalojë tre ditët e ardhshme duke bërë xhiro rreth Tokës, raporton albeu.com.
Është një tjetër moment historik në tregun e turizmit hapësinor, i cili po përjeton një ringjallje pas një pauze një dekade.
Në fillim të kësaj vere, biznesmenët miliarderë Sir Richard Branson dhe Jeff Bezos shkuan mbi atmosferën e Tokës me mjetet e tyre hapësinore.
Dhe pas këtij misioni të fundit, do të ketë dy vizita private në Stacionin Hapësinor Ndërkombëtar (ISS) – një në tetor, që do të mbajë një regjisor filmi rus dhe një aktore, dhe një të dytë në fillim të Vitit të Ri./albeu.com
