Shqipëria sot ka ulur flamujt në gjysmështizë, teksa vendi është në ditë zie për viktimat e tërmetit shkatërrues në Turqi dhe Siri.
Kryeministri Edi Rama ka ndarë në Facebook një foto nga Kryeministria ku duket flamuri shqiptar i ulur në gjysmë shtizë, krahas flamurit të Bashkimit Europian.
Dita e sotme shënon një javë nga tërmeti tragjik që goditi Turqinë dhe Sirinë.
Numri i viktimave i ka kaluar 34 mijë, teksa përpjekjet e kërkim-shpëtimit vazhdojnë, me shumë pak shpresë për të gjetur njerëz të gjallë nën rrënoja.
