Ministri i Brendshëm, Taulant Balla në një konferencë të mbajtur ditën e sotme bëri një analizë vjetore të MB-së, ku u ndal të sektori u turizmit.
Balla u shpreh se gjatë vitit 2023, 10.155.640 shtetas të huaj që vizituan Shqipërinë, ndërsa shtoi se Ministria e Brendshme po përgatitet për sezonin e ardhshëm.
Balla: Lajmi më i bukur i vitit që mbyllëm nuk ishte vetëm shifra 10.155.640 shtetas të huaj që vizituan Shqipërinë, por çertifikimi ndërkombëtar i Shqipërisë sonë si një destinacion europian me bukuri natyrore, mikpritje të pakonkurueshme dhe siguri mbresëlënëse.
Sot mund ta themi me kokën lart dhe me krenari se Shqipërisë i është pastruar një herë e mirë imazhi i nxirë nga një e shkuar e rëndë shumëvjeçare.
Siguria publike gjatë vitit 2023, ishte një test i rëndësishëm pasi çertifikoi vendin tonë si një destinacion të sigurt turistik, me ZERO ngjarje kriminale të qëllimshme, ndaj jetës së turistëve të huaj të cilët zgjodhën Shqipërinë për të pushuar.
