Një automjet është përfshirë nga flakët mëngjesin e sotëm në autostradën Tiranë-Durrës.
Ashtu sikundër mund të shihet dhe nga pamjet e siguruara nga Albeu.com mjeti tip Smart është djegur në hyrje të autostradës.
Kanë qenë kalimtarët e rastit të cilët janë përpjekur fillimisht të neutralizojnë flakët.
Paraprakisht nuk raportohet për të lënduar teksa policia dhe zjarrfikësja janë nisur drejt vendngjarjes./albeu.com
Njoftimi
Tiranë/Informacion paraprak
Më datë 23.06.2021, rreth orës 09:45, tek mbikalimi i Casa Italias, me drejtim lëvizje Tiranë-Durrës, ka marrë flakë në lëvizje mjeti me drejtuese S. E., 33 vjeçe, ku ka vetëm dëme materiale.
Grupi hetimor po punon për përcaktimin e rrethanave të ngjarjes.
