Mbrëmjen e sotme, qytetarët në Tiranë, në shenjë homazhi, kanë ndezur qirinj në shkallët e Kryeministrisë për 8-vjeçarin e vrarë Mateo Vasiu.
Kujtojmë se para disa ditësh, 38-vjeçari Klodian Çalamani, me gjakftohtësi të plotë vrau me kazmë vogëlushin dhe e groposi atë në oborrin e shtëpisë ku banonte.
Ndaj Çalamanit gjykata caktoi masën e sigurisë “arrest me burg” dhe e ka transferuar në paraburgimin e Vlorës ku po qëndron në izolim. Nga ana tjetër, familjarët kërkojnë dënimin e tij me vrasje.
Kjo ngjarje e rëndë ka sjellë një reagim të të gjithë opinionit publik dhe një dhimbje të madhe për këdo që e ka dëgjuar./albeu.com
