Aldo rrëfyeu mbrëmjen e djeshme linjën e tij të jetës, e mbushur me sfida të shumta. Ai tregoi se kishte ardhur në jetë me shumë vështirësi, pasi pas një aborti nëna e tij u detyrua t’i kalonte 7 muajt e shtatzënisë e shtruar në spital.
Një shtatzëni që i rrezikoi jetën, andaj Aldo në lot tregoi se nëna e tij e vuri përpara çdo gjëje. Më pas ai ka nisur ëndrrën për të vijuar rrugëtimin me kinematografinë dhe filmin. Pas të 30-ave, ashtu siç Aldo e përshkruan, sfidat e shumta e çuan drejt depresionit dhe problemeve me panikun.
“Pas të 30-ave isha në garë me kohën. Situatë që më çoi drejt depresionit dhe atakeve të panikut, shumë të shpeshta. Më dukej se kisha rënë në humnerë”, tha ai.
Peripecitë e shumta nuk e penguan të krijojë familje, e më pas të bëhej baba i një vajze. Ardhjen në jetë të Akirës, banori e përshkroi si një mrekulli që i ka ndodhur në jetë. Pas rëfimit emocionues, Aldo u surprizua nga nëna e tij, Vera.
