Ekspertët polakë konfirmojnë se raketa që vrau dy persona në impiantet e grurit në Poloninë jugore në nëntor u qëllua nga Ukraina, raporton gazeta Rzeczpospolita duke cituar burime.
Shpërthimi i raketave në Poloninë anëtare të NATO-s ngjalli frikën se lufta në Ukrainë mund të përshkallëzohej në një konflikt më të gjerë duke shkaktuar klauzolën e mbrojtjes reciproke të NATO-s, por në atë kohë Varshava dhe aleanca Atlantike e kishin vlerësuar atë si një gabim nga Ukraina.
Burime të njohura me hetimin i thanë Rzeczpospolita se Polonia ka konfirmuar se raketa që ra në fshatin Przewodow ishte një S 300 5-W-55 që u qëllua nga territori ukrainas.
“Kjo raketë ka një rreze prej 75 deri në 90 km”, shkruan gazeta duke cituar një burim.
“Në atë kohë pozicionet ruse ishin në një distancë të tillë që asnjë raketë ruse nuk mund të arrinte në Przewodov”.
Ukraina ka mohuar që raketa e saj ka rënë në Poloni.Rzeczpospolita shkroi se pala ukrainase nuk ka ofruar materiale për hetuesit polakë.
Gazeta citoi Lukasz Lapczynski, një zëdhënës i prokurorisë polake, të ketë thënë se prokurori ka marrë mendimin e ekspertëve, por nuk po e publikon përmbajtjen e tij sepse është konfidencial.
Lapzinski nuk ishte menjëherë i disponueshëm për koment dhe zyra e prokurorit nuk iu përgjigj menjëherë një kërkese të dërguar me email.
