Punonte në ndërtim në Maltë, fadroma godet 34-vjeçarin shqiptar

Një 34-vjeçar shqiptar është plagosur rëndë pasi u godit nga një fadromë në një kantier ndërtimi në Marsaxlokk, të Maltës.

Policia vendase ka sqaruar se ngjarja ka ndodhur në orën 11:30 të së shtunës në afërsi të Xrobb l-Għaġin.

Një ekip mjekësor u thirr në vendngjarje për t’i dhënë ndihmën e specializuar shqiptarit, i cili aktualisht po trajtohet në spitalin Mater Dei, ndërsa një hetim për aksidentin po vijon.