Ditën e parë të vitit, presidenti i Republikës, Bajram Begaj, e ka nisur me urimin për Kosovën, për hyrjen në fuqi të liberalizimit të vizave me Bashkimin Evropian.
Përmes një postimi në llogarinë e tij në “Facebook”, Begaj u shpreh se kjo arritje është e merituar, por e vonuar.
Begaj shpreson se ky hap do të përshpejtojë procesin e anëtarësimit të Kosovës në BE dhe organizatat e tjera ndërkombëtare.
Mesazhi i presidentit Begaj:
“Urime qytetarëve të Kosovës, të cilët nga sot udhëtojnë pa viza në Evropë! Kjo është një arritje e merituar, por e vonuar. Shpresoj që ky hap të përshpejtojë të gjithë procesin e anëtarësimit të Kosovës në BE dhe organizatat e tjera ndërkombëtare”, shkruan Begaj në Facebook.
