Jude Bellingham e ka afruar Anglinë shumë pranë gjysmëfinales së Kupës së Botës, pasi realizoi golin që e kaloi skuadrën e tij në epërsinë 2-1 kundër Norvegjisë në vazhdimet e çerekfinales.
Të lidhura
None found
Në minutën e 93-të, Harry Kane tentoi me kokë pas një krosimi nga krahu, por Orjan Nyland reagoi mjaft mirë dhe bëri një pritje të shkëlqyer.
Pas topit të kthyer, Bellingham u gjend në pozicionin e duhur dhe e dërgoi në rrjetë, duke përmbysur rezultatin në 2-1.
Anglia iu afrua edhe golit që do ta mbyllte çështjen e kualifikimit në minutën e 99-të, kur Clement Turpin dha penallti pas një ndërhyrjeje të Oscar Bobb. Sidoqoftë, pas rishikimit në VAR, gjyqtari ndryshoi vendimin dhe e anuloi penalltinë.
Në mbyllje të pjesës së parë të vazhdimeve, Anglia udhëheq 2-1 ndaj Norvegjisë dhe ndodhet shumë afër sigurimit të një bilete për në gjysmëfinale.
Megjithatë, ekipit të Thomas Tuchel i duhen ende të përballojë edhe 15 minuta për të mbrojtur këtë epërsi dhe për të mos lejuar rikthimin e norvegjezëve.
