Një auobus me pasagjerë është rrëzuar në Turqi, teksa po shkonte nga Dijarbakir në Bodrum.
Sipas njoftimeve paraprake, nga aksidenti kanë humbur jetën 8 persona dhe janë lënduar 35 të tjerë.
Të lënduarit janë dërguar në spitale të ndryshme në Afyonkarahisar dhe Isparta nga ekipet e Urgjencës së Shëndetit.
Adem Kaya, 54 vjeç, një nga pasagjerët të cilit i është thyer krahu në aksident, pretendoi se shoferin e kishte zënë gjumi.
“Nuk kishte akull në rrugë. Unë isha gjysmë në gjumë në momentin e aksidentit. Pashë autobusin duke fluturuar. Kishte njerëz nën autobus. Kishte njerëz që vdiqën, 8 persona me sa di unë. Ishte shumë keq. Pastaj ambulancat na dërguan në Spitalin Shtetëror të Afyonkarahisar.”, tha ai./albeu.com
