Një zjarr me përmasa të mëdha është duke u përhapur në Malin e Çikës, teksa raportohet se po i afrohet zonës turistike së Dhërmiut
Flakët në zonë janë aktive prej dy ditësh tashmë, dhe kanë përshkuar një sipërfaqe të konsidenrueshme malore, zjarri u përhap fillimisht në malin e Dukatit ndërsa tashmë situata paraqitet më e përkeqësuar pasi vatra ka kaluar në krahun tjetër.
Të lidhura
None found
Flakët po avancojnë në drejtim të Dhërmiut, një prej zonave më të frekuentuara turistike të bregdetit të jugut, ndërsa zjarri vijon të përfshijë sipërfaqe të reja. Situata paraqitet shqetësuese për shkak të përhapjes së vatrës në të dyja anët e Malit të Çikës.
Në terren janë angazhuar forcat zjarrfikëse, bashkë me dy avionë “Air Tractor” dhe po punojnë për të frenuar avancimin e mëtejshëm të zjarrit.
