Komisionit Shtetëror i Zgjedhjeve në faqen zyrtare ka përditësuar të dhënat e fundit nga rezultati i zgjedhjeve të djeshme lokale në Dibër të Maqedonisë së Madhe.
Janë numëruar votat nga të gjitha 27 vendvotime, ndërsa më tepër vota ka fituar kandidati i Bashkimit Demokratik për Integrim, Hekuran Duka me 49,69 për qind të votave të fituara, përkatësisht me 4.291 vota.
Kurse kandidati i Aleancës për Shqiptarët, Bekim Pocesta ka marrë 4.153 vota, gjegjësisht 48,09 për qind të votave.
Mbrëmë Pocesta ngriti dyshime për rezultatin zgjedhor, duke thënë se “presioni i BDI-së ndryshoi rezultatin”.
Ditën e djeshme është votuar vetëm në Dibër, pasi para dy javëve u përsërit votimi i rrethit të parë në një vendvotim.
