Taulant Balla, kreu i Grupit Parlamentar të PS, ka publikuar pamje nga protesta e zhvilluar dje përpara Kuvendit, ku shfaqet një protestues teksa i pastron fytyrën një efektivi policie me flamurin kombëtar.
Krahas videos, Balla ka ngritur pyetjen: “po si mund të përdorësh flamurin kombëtar kuq e zi si peshqir?”
Të lidhura
None found
“Po shoh që influencerat e protestës, ata që qo rrisin followers&likes prej saj, po e përshëndesin këtë akt të një protestuesi që vezën, apo nuk di çfarë është lënda e hedhur mbi fytyrën e një polici, po ia pastron. Uau shumë bukur! Çfarë akti?! Dakord duhet përshëndetur edhe pse ai që e fshin është njëri prej atyre që e e ka hedhur, nëse nuk është ai vet. Dhe s’duhet ta kishte hedhur. Megjithatë reflektimi dhe ndjesa janë të mirëpritura. Falja nuk gjykohet.
Por unë kam diçka tjetër: PO SI MUND TA PËRDORËSH FLAMURIN KOMBËTAR KUQ E ZI SI PESHQIR?!”, shkruan Balla.
