Presidenti i Partisë së Lirisë, Ilir Meta, do të jetë në listat e hapura si kandidat për deputet në Qarkun Tiranë në zgjedhjet parlamentare të cilat do të mbahen më 11 Maj.
Vendimi i Ilir Metës është miratuar këtë mbrëmje edhe nga Kryesia e Partisë së Lirisë.
Meta u shpreh më herët se prioritet është fitorja e koalicionit “Partia Demokratike-Aleanca për Shqipërinë Madhështore”, por shtoi se synojnë dhe një grup parlamentar me dy shifra, duke u munduar të marrin sa më shumë mandate nga listat e hapura të kandidatëve.
Kujtojmë se më 3 mars, kreu i PD, Sali Berisha, u shpreh se Meta duhet të jetë në pjesën e mbyllur të listës së koalicionit “Partia Demokratike-Aleanca për Shqipërinë Madhështore” për shkak të pamundësisë së tij për të bërë fushatë nga qelia.
