Organizata Botërore e Shëndetit ka rekomanduar përhapjen e gjerë të vaksinës së parë të malaries, në një veprim që ekspertët shpresojnë se mund të shpëtojë jetën e dhjetëra mijëra fëmijëve çdo vit në të gjithë Afrikën, raporton albeu.com.
Duke e vlerësuar “një ditë historike”, drejtori i përgjithshëm i OBSH -së, Dr Tedros Adhanom Ghebreyesus, tha se pas një programi të suksesshëm pilot në tre vende afrikane, vaksina RTS,S duhet të vihet në dispozicion më gjerësisht.
Vaksina RTS,S, e njohur edhe si Mosquirix, është zhvilluar nga kompania farmaceutike britanike GlaxoSmithKline (GSK), dhe është administruar për më shumë se 800,000 fëmijë në Ganë, Kenia dhe Malavi që nga fillimi i programit pilot në 2019.
Vaksina, e cila kaloi nëpër prova të gjata klinike, ka efikasitet të kufizuar, duke parandaluar 39% të rasteve të malaries dhe 29% të rasteve të rënda të malaries tek fëmijët e vegjël në Afrikë gjatë provave katërvjeçare./albeu.com
