Ditën e sotme janë mbajtur zgjedhjet e pjesshme lokale në gjashtë Bashkitë pa kryetar të vendit.
Gjatë ditës së sotme janë shfaqur disa problematika në procesin e votimit.
Një kuti votimi u konstatua e dëmtuar së fundi në Dibër. Kutia me numër 1175 që i përket Fushë Çidhnës, kishte një çarje të madhe.
Komisionerët pretendojnë se kutia është çarë gjatë transportit. KZAZ pasi e konstatoi dëmtimin e kaloi veç për ta shqyrtuar KQZ nëse do të numërohen votat brenda saj.
Qytetarët e Dibrës iu drejtuan sot kutive të votimit për të zgjedhur kryetarin e ri të bashkisë. Sakaq, teksa nuk ka nisur ende numërimi, Dibra shënoi pjesëmarrjen më të lartë./albeu.com/
