Policia ka arrestuar një 50-vjeçar pasi u kap me thikë në brez. Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Mbajtja pa leje e armëve të ftohta”.
Njoftimi i policisë:
Divjakë/ Mbante armë të ftohtë me vete, kapet dhe arrestohet në flagrancë nga Policia.
*Nga specialistët për Hetimin e Krimeve në Komisariatin e Policisë Divjakë u bë arrestimi në flagrancë i shtetasit A. M., 50 vjeç, banues në Divjakë, pasi u kap nga shërbimet e Policisë që patrullojnë në plazhin e Divjakës, me një armë të ftohtë (thikë), të cilën e mbante me vete në brez.
Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Mbajtja pa leje e armëve të ftohta”./albeu.com
