Një aksident ka ndodhur mëngjesin e sotëm në Vlorë. Një automjet ka përplasur një kalimtar në zonën e Lungomares. Personi ka qënë duke kaluar rrugën kur automjeti tip Peugot me targa AA 768 VP e ka goditur.
Mësohet se i plagosuri është dërguar në spitalin e Vlorës me urgjencë.
Policia ka mbërritur në vendngjarje, drejtuesi i mjetit është shoqëruar në komisariat.
Njoftimi i policisë:
Vlorë/Informacion paraprak
Në orën 08:36, në aksin e Lungomares, një automjet, me drejtues shtetasin A. M., 34 vjeç, ka aksidentuar këmbësorin me iniciale N. L, rreth 55 vjeç, i cili ndodhet në spitalin e Vlorës, jashtë rrezikut për jetën.
Drejtuesi i mjetit është shoqëruar në Komisariatin e Policisë Vlorë.
Në vendngjarje ndodhet grupi hetimor dhe po punon për zbardhjen e plotë të ngjarjes./albeu.com
