Shkrimtari Kim Mehmeti, ka zbuluar se paguhet rreth 2 mijë euro në muaj.
Sipas tij rroga e tij nuk mund ta bëjë të pasur dhe që të pasurohesh në politikë duhet që të jesh hajdut.
Mehmeti tregon se ka rezerva të mëdha për analistët që flasin në studiot televizive dhe që paguhen me rroga 10 mijë euro, që sipas tij nuk mund të merren as në perëndim duke shëtitur nëpër studio.
Ai ka cilësuar një padrejtësi, pasi ata paguhen më shumë se një mjek apo një inxhinier, duke e krahasuar me vështirësinë apo rëndësinë e punës.
“Është mëkat të marrësh 10 mijë euro në muaj. Vetëm hajduti mund të pasurohet nga veprimtaria politike. Si mund të pasurohesh ti nga veprimtaria me 2 mijë euro rrogë. Pse unë nuk u pasurova. Pse unë nuk u bëra kapitalist. Unë gjithmonë e kam pasur pagën më shumë se aq. Që ta zbuloj më shumë se aq. Por jo 10 mijë euro. Ato nuk ti jep perëndimi kurrë, të jesh edhe yll. Vetëm të kesh shpikur vaksinën i merr, se kështu vetëm që di të flasësh nuk i merr. Nuk mundesh të marrësh më shumë se mjeku dhe inxhinieri vetëm se shëtiti nëpër studio”, tha Mehmeti./albeu.com/
