Kërkoi dorëheqjen e Bashës, Kadilli “ngul këmbë”: Demokratët mund t’ja dalin edhe pa të

Fatbardh Kadilli ngul këmbë në dorëheqjen e  Lulzim Bashës si kryetar parti. Përmes një potimi në Facebook, anëtari i Kryesisë së PD, thotë që demokratët mund t’ja dalin edhe pa të.

Ai gjithashtu shkruan se, OBSE konfirmon akuzat e opozitës, por Basha s’mund të jetë më kryetar.

“Faleminderit OSBE!

Raporti paraprak konfirmon çdo akuzë të opozitës.

Konfirmon ambiguitetin ligjor; përdorimin e mjeteve të pushtetit; blerjen e votave; agresivitetin fizik dhe verbal në fushatë; personalizimin e komunikimit te figurat e kryetarëve etj;

Qartazi këto zgjedhje nuk ishin të ndershme.

Opozita duhet të vazhdojë betejën ligjore për çdo akuzë dhe çdo rast të identifikuar;

Inkurajoj përfaqesuesit demokratë në proces të bëhen mbrojtësit e ligjit dhe shenjtërisë së votës.

Beteja për zgjedhjet nuk mund të jetë alibia e kryetarit;

Demokratët mund t’ia dalin shumë mirë edhe pa atë”, shkruan Kadilli./albeu.com

Shtuar 28.04.2021 12:04