Shtetet e Bashkuara të Amerikës nuk do të shkojnë në të tjera izolime, pavarësisht situatës që mund të shkaktojë varianti ‘Delta’ i koronavirusit.
Deklarata vjen nga Anthony Fauci, eksperti amerikan për sëmundjet infektive i cili, megjithatë, në një intervistë për mediat amerikane paralajmëroi se situata e infektimeve mund të përkeqësohet.
“Nëse shikoni kurbën e numrit të infektimeve, mund të shihni se si mesatarja e shtatë ditëve të fundit është rritur ndjeshëm.
Ne e dimë se çfarë duhet të bëjmë, e kemi përsëritur disa herë dhe është e vërteta: ne jemi 100 milionë njerëz në këtë vend që kanë të drejtë të vaksinohen, por nuk janë të vaksinuar.
Ajo që ne po shohim është një shpërthim infektimesh në mesin e të pavaksinuarve“, – thekson Fauci.
