Është vetëdorëzuar Ilir Gjoka, 28 vjeçari që ishte shpallur në kërkim për vrasjen e 19-vjeçares shqiptare, Shejla Bakija.
Burimet bëjnë me dije se Gjoka ka shkuar vetë me këmbët e tij në komisariat në orët e vona të mbrëmjes së kaluar.
Ende nuk janë zbardhur detaje në lidhje me dëshminë që ai mund të ketë dhënë para policisë.
Ngjarja:
Shejla Bakija u vra të mërkurën nga partneri i saj, Ilir Gjokaj. Autori shkoi në banesën e familjes së Bakijas, duke qëlluar me breshëri arme këdo që i doli përpara.
Plumbat i morën jetën 19-vjeçares dhe gjyshes së saj, ndërsa mbeti i plagosur rëndë babai i të resë.
Ngjarja e rëndë ishte paralajmëruar pasi vajza e kishte denoncuar ish-partnerin e saj pasi ai e kishte kërcënuar me vdekje, pak muaj më parë. /albeu.com/
