Gati 80 nxënës të shkollave fillore, kryesisht vajza, dyshohet se janë helmuar gjatë fundjavës dhe janë dërguar në distriktin Sangcharak të Afganistanit, tha për CNN Mohammad Rahmani, kreu i Departamentit të Arsimit në provincën veriore Sar-e-Pul.
Policia tha se po hëton çështjen. Deri më tani zyrtarët janë të paqartë mbi fajtorin, motivin dhe llojin e mundshëm të helmimit.
“Pasi arritën në shkollë në mëngjes, nxënëset papritmas filluan të ndjenin marrje mendsh, dhimbje koke dhe të përziera”, tha Rahmani.
Studentët u pranuan në një spital lokal, por 14, gjendja e të cilëve ishte më kritike u transportuan në një spital në kryeqytetin e provincës, sipas Rahmanit.
Një mjek në spitalin Sat-i-Pul konfirmoi për CNN se disa nga vajzat u shtruan në spital dhe ai beson se ato ishin helmuar duke u bazuar te simptomat.
Edukimi i vajzave është bërë një çështje përçarëse në Afganistan që nga pushtimi i vendit nga talebanët në vitin 2021, ku grupi vazhdoi të heqë liritë e fituara me vështirësi për gratë dhe t’i përjashtojë ato nga jeta publike./Albeu.com/
