Prokuroria e Tiranës ka kërkuar rikthimin në qeli të këngëtares Ruenca Haxhia, e njohur si Enca.
Në shtëpinë e kësaj të fundit disa ditë më parë u zbuluan disa vazo ku kultivonte kanabis sativa.
Ajo qëndroi vetëm dy ditë në qeli, teksa në seancën për caktimin e masës gjykata e Tiranës e nxori me “detyrim paraqitje”, përkundër kërkesës së Prokurorisë që kërkonte vijimin e hetimeve nën masën “arrest në burg.”
Organi i akuzës ka ankimuar në Apel vendimin e shkallës së parë.
Ditën e djeshme, Enca reagoi për herë të parë pas arrestimit.
“Jam shumë mirënjohëse dhe e bekuar për të gjithë suportin, komentet pozitive dhe dashurinë që kam marrë gjatë ditëve të vështira që kalova”, shkroi në një foto të postuar në Instastory./Albeu.com/
