Mëngjesin e sotëm ka ndodhur një grabitje me armë zjarri në qytetin e Sarandës. Burimet për albeu.com bëjnë me dije se grabitja ka ndodhur në lagjen nr.4 në banesën e një noteri.
Grabitja me armë zjarri ka ndodhur në banesën e shtetasit T.K 63 vjeç.
Mësohet se maskat kane lidhur familjaret dhe kane arritur te marrin 20 milionë lekë të vjetra.
NJOFTIMI I POLICISË:
Sarandë/Informacion paraprak
Më datë 20.10.2021, rreth orës 08:10, në sallën operative Sarandë, ka telefonuar shtetasi T. K., banues në lagjen nr.4, Sarandë, për të njoftuar se dy persona ende të paidentifikuar, i kishin hyrë me dhunë në banesë dhe i kishin vjedhur një shumë parash dhe dy çelësa automjetesh.
Shtetasi T. K. nuk ka pësuar dëmtime dhe ndodhet në gjendje të mirë shëndetësore.
Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj, me qëllim kapjen e autorëve.
Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve. /albeu.com/
