Ditën e sotme kryeministri Edi Rama gjatë konferencës së fundit qeveritare për mandatin e dytë, zbuloi se shefja e Infektivit Najada Çomo ka hequr dorë nga mandati i saj i deputetit.
Në këtë mënyrë, i hapet rruga një tjetër kandidati i PS në Tiranë të futet në Kuvend.
Sipas listës zyrtare të PS për zgjedhjet e 25 Prillit në Tiranë, mandatin e Çomos mund t’a gëzojë ish-deputetja Mimi Kodheli.
Këtë lajm e ka komentuar vetë Kodheli për mediat duke deklaruar se sipas kodit, mandati i takon asaj në mandatin e tretë të qeverisjes së PS.
Fjala e plotë e Ramës për dorëheqjen e Çomos:
Jam i prekur nga komunikimi me Najada Çomon, ajo më kërkori para pak kohe të pranoja tërheqjen e saj nga roli i ri i deptutes duke ndjerë shumë të fortë detyrimin për të mos u ndarë nga ekipi i saj kur varianti Delta i virusit arriti të rimbushë shtretërit e pavionit të terapisë intensive.
E falëderoj edhe publikisht siç e falënderova personalisht për këtë shemnbull kuptimoplotë për detyrën ndaj atyre në nevojë, e i them sot faleminderit, e gjithë atyre që deri këtu na kanë nxjerë me kokën lart përballë armikut të padukshëm.
Lufta me armikun e padukshëm s’ka mbaruar, vjeshta e dimri mund të jenë të vështirë sërish”, tha Rama në fjalën përmbyllëse të mandatit të dytë qeverisës. /albeu.com/
