Një operacion i jashtëzakonshëm shpëtimi në Venezuelë përfundoi me nxjerrjen të gjallë të një nëne dhe tre fëmijëve të saj, pasi kishin qëndruar të bllokuar për 11 ditë nën rrënoja, pas tërmeteve të fuqishme që goditën vendin më 24 qershor.
Rasti i pazakontë u regjistrua në La Guaira, një nga zonat që u godit më rëndë nga lëkundjet sizmike. Pas shembjes së një ndërtese banimi, familja mbeti e izoluar nën mbeturina, ndërsa ekipet e emergjencës vazhdonin operacionet për gjetjen e të mbijetuarve.
Të lidhura
None found
Autoritetet bëjnë të ditur se gjatë gjithë kohës që ndodheshin nën rrënoja, nëna ia doli t’i mbante në jetë tre fëmijët, duke i ushqyer me gji dhe duke u kujdesur për ta deri në çastin kur u shpëtuan.
Pas kërkimeve intensive, ekipet e shpëtimit arritën të zbulojnë vendndodhjen e familjes dhe ta nxjerrin atë të gjallë, në një rast që është cilësuar si një mrekulli në mes të një katastrofe të rëndë.
Tërmetet që goditën Venezuelën kanë lënë pasoja të mëdha, me mijëra viktima dhe të plagosur, ndërsa një numër i lartë personash vazhdojnë të jenë të zhdukur.
Përveç humbjeve në njerëz, katastrofa ka sjellë edhe dëme të konsiderueshme materiale. Dhjetëra mijëra ndërtesa janë shkatërruar ose kanë pësuar dëmtime, ndërsa mijëra familje kanë mbetur pa strehë.
Ndërkohë, autoritetet dhe ekspertët paralajmërojnë se gjendja mund të rëndohet edhe më shumë për shkak të mungesës së ujit të pijshëm dhe kushteve të vështira higjieno-sanitare në zonat e prekura, çka shton rrezikun për përhapjen e sëmundjeve infektive.
