Përmes një videoje në gjuhën e shenjave, Ministrja e Shëndetësisë dhe Mbrojtjes Sociale, Ogerta Manastirliu, ka shprehur mbështetjen për njerëzit që nuk dëgjojnë duke bërë apel për më shumë barazi, solidaritet dhe gjithëpërfshirje.“Bashkë me Florin, për më shumë për njerëzit që nuk dëgjojnë. Më shumë barazi, solidaritet dhe gjithëpërfshirje”, ishte mesazhi i Manastirliut në gjuhën e shenjave.
Ndërkohë që aktivisti Florian Rojba po në gjuhën e shenjave tha: “Faleminderit Znj. Ministre, që u bërë pjesë e sfidës për Javën Ndërkombëtare të Njerëzve që nuk Dëgjojnë. Faleminderit për gjithë suportin e dhënë ndaj komunitetit tonë! Ne do të vazhdojmë së bashku për më shumë të drejta për njerëzit që nuk dëgjojnë”
Postimi i Ministres Manastirliu:
Me Florin, një aktivist i paepur për të gjithë komunitetin e njerëzve që nuk dëgjojnë, në Ditën Botërore të Gjuhës së Shenjave, për të rritur ndërgjegjësimin për gjithëpërfshirjen e njerëzve me aftësi speciale
#DitaBotëroreeGjuhëssëShenjave
#TëBashkuarJoTëNdarë
