Kafeja, vera e kuqe dhe cigaret janë disa nga arsyet e njohura që “njollosin” dhëmbët, duke lënë një ngjyrë të shëmtuar dhe më të errët me kalimin e kohës. Megjithatë, ka disa shkaqe të tjera të njollave në dhëmbë, për të cilat mund të mos jeni në dijeni. Disa kushte mund të jenë përgjegjëse për heqjen e smaltit të dhëmbëve tuaj dhe për të shkaktuar njolla dhe buzëqeshjen tuaj nuk është aq e ndritshme sa do të dëshironit të ishte.
Shikoni disa nga këto arsye…
1. Pishinat
Nëse shpesh zgjidhni të notoni në një pishinë dhe lejoni që uji i saj të hyjë në gojë, duhet të dini se ka të ngjarë të shihni njolla kafe në dhëmbë. Kimikatet e pranishme në ujin e pishinës mund të ndikojnë në dhëmbët tuaj nëse, për shembull, notoni më shumë se 6 orë në javë.
2. Shurupe kundër kollës
Shurupet me ngjyrë të kollës, përveçse ju ndihmojnë të rikuperoni, janë edhe plot sheqer i cili dëmton dhëmbët tuaj. Kërkon kujdes të veçantë që të mos i merrni më shumë se koha e përcaktuar.
3. Barna specifike
Një tjetër arsye që shkakton ndryshime në ngjyrën e dhëmbëve. Personat që marrin mjekim për periudha të gjata kohore ose për shembull janë të ekspozuar ndaj rrezatimit mund të kenë një problem në këtë pjesë.
4. Limonadë
Limonada mund të gërryejë smaltin e dhëmbëve tuaj për shkak të kombinimit të acidit citrik dhe sheqerit. Pra, kur smalti në sipërfaqen e dhëmbëve konsumohet, shfaqet shtresa tjetër, e cila është dentina dhe ka ngjyrë të verdhë.
