Janë zbardhur detaje të reja nga ngjarja e rëndë në Ferizaj, të dielën në mbrëmje, ku një vajzë e re ndërroi jetë nga dhuna.
Marigona Osmani dyshohet se u vra nga Dardan Krivaqa, i cili është shpallur në kërkim.
Për ngjarjen, autoritetet në Kosovë kanë arrestuar Arbër Sejdiun, si bashkëpunëtor në krim.
Familjarët e së resë, në një prononcim për “Klan Kosova jashtë kamerave, thanë se 18-vjeçarja kishte dy muaj që ishte e martuar me Dardan Krivaqën. Ata thanë po ashtu se Marigona ishte martuar pa pëlqimin e prindërve të saj.
18-vjeçarja, sipas autoriteteve, është dhunuar fizikisht dhe ka humbur jetën si pasojë e plagëve. Megjithatë do të jetë ekspertiza mjeko-ligjore që do të përcaktojë shkakun e saktë të vdekjes. /albeu.com/
