Ursula von der Leyen ka akuzuar disa politikanë të BE-së se ia hedhin fajin Ukrainës për luftën e Rusisë.
Sipas mediave të huaja, duke folur në konferencën e grupit të ekspertëve Globsec në Pragë, presidentja e Komisionit Evropian nuk përmendi emrat e politikanëve të cilëve u referohej.
“Ata fajësojnë luftën, jo pushtuesit, por të pushtuarit. Jo epshit të Putinit për pushtet, por etjes së Ukrainës për liri,” tha ajo.
“Pra, unë dua t’i pyes ata: a do t’i fajësoni ndonjëherë hungarezët për pushtimin sovjetik të vitit 1956? A do t’i fajësoni ndonjëherë çekët për shtypjen sovjetike të vitit 1968?
“Sjellja e Kremlinit ishte e keqe dhe mizore në atë kohë dhe është e keqe e mizore edhe sot.”
Kujtojmë se qeveritë e Sllovakisë dhe Hungarisë kanë qenë të dyja kritike për mbështetjen e BE-së për Ukrainën.
Të dy vendet kanë kundërshtuar dërgimin e ndihmës ushtarake në Kiev dhe kanë forcuar lidhjet e tyre ekonomike me Rusinë në të njëjtën kohë.
